Ləzzəti ilə qəlbləri fəth edən Feyxoa çox faydalıdır.  Feyxoa arterial təzyiqin tənzimlənməsində kömək edir. Eyni zamanda immun sistemini möhkəmləndirir, bağırsaqların fəaliyyətini yaxşılaşdırır. Yod çatışmazlığı ilə bağlı olan qalxanvari vəzi xəstəlikləri zamanı feyxoanın qəbulu xüsusilə xeyirlidir. Belə hesab olunur ki, feyxoa tərkibində olan yodun miqdarına görə dəniz məhsullarına yaxındır. Feyxoanın ətində və xüsusilə də qabıqlarında "katexin" və "antosinlər" fenol birləşmələri var ki, bu maddələr güclü antioksidantlar sayılır. Antioksidantlar xərçəng xəstəliklərinin profilaktikası üçün olduqca vacib olan maddələrdir.

Badımcan həzm sistemini asanlaşdırır. Yüksək lif tərkibi sayəsində qəbzliyin qarşısını alır və bağırsaqları yumşaldır. Tərkibi kalsium, kalium, dəmir mineralları və A, B1, B2, C vitaminləri ilə zəngindir. 
Bundan başqa badımcan xolesterolun səviyyəsini tənzimləyir və qan təzyiqini normallaşdırır. Ürək xəstəliklərinin qarşısını almağa kömək edir. Bu tərəvəz revmatizma xəstələri üçün də çox xeyirlidir.

Narın tərkibi kalium, dəmir, kalsium, fosfor mineralları, C və B1, B2 vitaminləri ilə zəngindir. Nar şirəsindən hipertoniya xəstəliyində, eləcə də ürək ağrılarında istifadə olunur. Nar şərbətini döş ağrıları zamanı öskürək dərmanı kimi də qəbul etmək olar. Xalq təbabətində isə nar şirəsi yel xəstəliyində sürtmə dərmanı kimi işlədilir. Həmçinin  nar ağacının kökünü qurudaraq toz halına salıb, onu əzvayla bərabər miqdarda qarışdırırlar, sonra çıxıqlarda, əziklərdə təpitmə şəklində ağrıkəsici kimi işlədirlər. 

Pomidor ləzzətli olması ilə yanaşı, həm də çox faydalıdır. Antioksidantla zəngindir. İnfeksion xəstəliklərin qarşısını alır. Ürək böyüməsinə qarşı önləyici təsirə malikdir. Pomidor göz üçün də çox faydalıdır. Yüksək göz təzyiqinin düşməsinə kömək edir. Pomidorun qabığı və tumu həzmi asanlaşdırır, qəbizliyi aradan qaldırır. Öd və böyrək daşlarının meydana gəlməsinə mane olur. Tərkibindəki C, B vitaminləri, likopen maddəsi ilə zəngin olan pomidor döş və prostat xərçənginə qarşı faydası çoxdur.

Yaşıl noxudun faydaları say, say bitməz! Yaşıl noxud K vitamini mənbəyidir. Bu vitamin proteinin istehsal olmasına yardım edir. Tərkibində C vitamini vardır. Bu vitamin antioksidant xarakterinə malikdir. Bundan başqa bədəndə olan dəmirin cəzb olunmasına yardım edir.Xolestrolu balanslaşdırır, immun sistemini gücləndirir. Yaşlanmağa qarşı ən yaxşı köməkçidir. Saç tökülməsinin qarşısını alır.