Haqqımızda

Markanın tarixi

Xanımların həyatında konserv məhsulları dövrü Bizim Tarladan əvvəl və sonrakı dövrə bölünür. Bizim Tarla məhsulları istehsalından əvvəlki dövrdə xanımlar bütün yayı evdə konserv məhsulları bağlamaqla keçirirdilər. İndi isə, evdə hazırlanmış kimi ləzzətli olan Bizim Tarla konservləri olduğu üçün xanımların həyatı rahatlaşıb və bütün yayı sevdiklərinə daha çox vaxt ayıra bilirlər.


Bizim Tarla markasının adı Biləsuvarda yerləşən 34000 hektarlıq tarladan götürülmüşdür. Markaya aid olan bütün məhsullar tarlada təbii yolla yetişdirilən tərəvəzlərdən və meyvə bağlarından toplanan təbii meyvələrdən hazırlandığı üçün Bizim Tarla marka adı verilmişdir. İlk dəfə 2006-cı ildə bazara daxil olan Bizim Tarla markası ilə təqdim edilən məhsulların istehsalı zamanı xam malların təbiiliyi və qiqiena böyük əhəmiyyət kəsb edir.
Tarladan yetişdirilən tərəvəzlərdən istehsal edilən yaşıl noxud, soyulmuş pomidor, tomat pastası, müxtəlif turşular, tərəvəz yeməyi və Azərbaycanın fərqli zonalarının meyvə bağlarından toplanan meyvələrlə hazırlanan kompotlar və mürəbbələr qısa müddət ərzində istehlakçıların sevgisini və etibarını qazanmışdır.

Bazara təqdim olunandan bugünə qədər keyfiyyət standartlarına nəzarət edib, milli ağız dadımıza uyğun ev üsulu ilə konserv məhsullarını istehlakçılarımıza təqdim etməkdən qürur duyuruq. İstehlakçıların da dediyi kimi Bizim Tarla məhsulları evdə hazırlanmış kompot, turşu, mürəbbə, pomidorlardan heç də fərqlənmir, əksinə qadınların rahatlığını təmin edir. Bu gün Bizim Tarla hər bir azərbaycanlının qürurla “yerli məhsul” deyə istehlak edə biləcəyi bir markadır. Bundan başqa Bizim Tarla məhsulları Azərbaycan məhsulu adı ilə dünyanın bir çox ölkəsinə ixrac edilir.


“Qafqaz Konserv Zavodu” MMC 12 sentyabr 2003-cü il tarixində Azərbaycan Respublikasının prezidenti cənab İlham Əliyevin iştirakı ilə fəaliyyətə başlamışdır.
Azərbaycanın Şimal bölgəsində, Xaçmaz Şəhərində fəaliyyətə başladığı gündən inkişaf yoluna qədəm qoymuş Qafqaz Konserv Zavodu keyfiyyətli məhsul istehsal etmə yönündə daim yüksəliş pillələri ilə irəliyə addımlamaqdadır. Müəssisədə 350-dən artıq nəfər işçi çalışır ki, bu da Xaçmaz bölgəsinin inkişaf amillərindən biridir. Qafqaz Konserv Zavodu 08/11/2005-ci tarixindən etibarən TS ISO-EN-9001:2000 Keyfiyyət İdarə Etmə Sistem Sertifikatına sahibdir (Sertifikat № KY-4187/05) və bütün sənədləşmə , eyni zamanda istehsal proses işlərini Azərbaycan Respublikasının Qanunvericiliyinə əsaslandırmaq şərti ilə Beynəlxalq normalar çərçivəsində həyata keçirir. Qafqaz Konserv Zavodunun rəhbərliyi istehsal olunan məhsulların keyfiyyəti ilə bağlı bütün standartların (DÜST, QOST, TSE) tətbiqi sahəsində lazımi əməliyyatlar aparmaqdadır.


Biləsuvar Konserv zavodu, Biləsuvar rayonu
2010 cu ildə fəaliyyətə başlayan Biləsuvar Konserv zavodu yaşıl noxud, xiyar, kornişon, pomidor və digər turşular, tomat pastası, soyulmuş pomidor, doğranmış pomidor, kürü konservləri istehsal edir. Zavodun illik istehsal potensialı 40 000 tondur. Bizim Tarla məhsullarının xammalı şirkətlər qrupunun tərkibində olan Natural Green Land Kənd təsərrüfatı kompleksi tərəfindən təmin olunur.
Natural Green land 2006-cı ildən fəaliyyətə başlamışdır. Bu müəssisə müxtəlif kənd təsərrüfatı məhsullarının əkilməsi və becərilməsi ilə məşğul olur. Müəssisə tərəfindən Biləsuvar rayonunda 3400 hektarlıq ərazidə rekultivasiya işləri aparılmış, drenaj kanalları çəkilmiş, müasir kənd təsərrüfatı avadanlıqları ilə yanaşı, dünya liderləri “Valmont İnternational” şirkətinin suvarma sistemi, kənd təsərrüfatı texnikaları üzrə “John Deer” şirkətinin traktor və aqrotexniki avadanlıqları ilə təchiz olunmuşdur. Xiyar, pomidor, yaşıl noxud, badımcan, bibər, qabaq və digər tərəvəzlərin əkini həyata keçirilir və Bizim Tarla markası altında olan məhsulların istehsalında istifadə olunur. Ərazidə yüzlərlə hektar nar və heyva bağları salınmışdır. Azərbaycanda ilk yerli yaşıl noxud tarlası burada salınmışdır və Bizim Tarla markası ilk yerli yaşıl noxud konserv markasıdır.


Daim keyfiyyətli məhsul və xidməti ilk hədəf olaraq seçmiş Qafqaz Konserv Zavodu istehsal kəmiyyəti cəhətdən də yüksək inkişafa malikdir.